][®][^][®][محطات الايام][®][^][®][

تعبت أسافر مع محطات الأيــــــــــام
وادفع تذاكر رحلتي من شبابـي
تعبت أعاني وحدتي بين الأوهــــــام
وطولت أعاند من عذابي عذابي
مليت أحس بداخلي سجن وإعــــــدام
تعبت أدور وسط ذاتي غيابـــي
كرهت أشوف الموت بأطفال الأحلام
مقدار أقاوم من عذاب جرابـــي
مليت غربة بين دروبي والأقــــــدام
دربي طويل وهم وقتي وطابــي
وطيف ألاماني داخل الروح مــا دام
خذاه وقت في عذابه سرابـــــي
وحيد والدنيا متاهات وزحـــــــــــام
ومن ضيق وقتي ضايقه بي ثيابـي
وأصحابي اللي كانوا كبار وإعظــام
نخيتهم يوم الخفوق انتخابــــــي
ولا حد سمع صوت له شهور وأعوام
كثير ما يدري والأكثر درابــــي
تبدـلـــوا مابين شامت ولـــــــــوام
وأطيبهم اللي في غيابي حكى بي
والمجتمع ظالم حوى ناس ظلام
رحمه ابد مافيه والصدق غابــي
أعيش عالم سينما عالم أفـــــــــلام
بعيد عن واقع حياتـــي مشــــابي
وعاتبت وقت جار باحساس منظام
واعتب ولكن من هبالي عتابي
واهديت عمري للقصايد والأقـــلام
وسديت عن باقي المشاريه بابي
ورضيت أعيش بواقع مر هـــــدام
عندي رجا لو طال درب اغترابي
مجبور اصدق كذبة الخير قــدام
كذبة أصدقها ولــو ـكــنت مابـــي