~ رسالة من صـــــــاحب موقع ميَت ~,

بسم الله الرحمن الرحيم
السلام عليكم ورحمة الله وبركاته

الراسل : صـاحب موقع ومنتديات (متوفى)
العنوان : من القــــــبر
المرسل إليه : لكل أصحاب المواقع ( اللى لسة أحياء)
العنوان : فى البيوت
عنوان الرسالة : ياريتنى


رسالة بتكبها ليكم بدموع حسرتى اللى مهما وصفت فيها عمركم ما هتحسوها
إلى لما تبقوا مكانى ...

أنا صاحب موقع ومنتدى وكان منتدايا فية أقسام للأغانى والصور والأفلام
كان مشرفين منتدايا بيجيبوا كل الألبومات الجديدة وفضايح وصور الفنانات
وأحدث الافلام المسروقة والمليانة بالمناظر العارية وتحريك شهوات الشباب

أعضاء موقعى كانت صور توقيعهم وصورهم الرمزية مليانة صور بنات
وكلام أغانى .. كانوا البنات والولاد من اعضاء منتدايا
بيتكلموا ويهزروا مع بعض من غير حياء ولا كسوف

ياما ناس بعتولى رسائل خاصة وانا بتجاهلهم
ياما أعضاء كتبوا اقتراحات بإزالة الأقسام دى من منتدايا
بمنع التواقيع المخالفة لشرع الله

بس انا كنت أعمى مش شايف غير الشهرة والفلوس
اللى بتجيلى من ورا موقعى
.. غرتنى الشهرة وغطت عيني واستولت الدنيا على قلبى
والشيطان نسانى اخرتى واوامر ربى

مكنتش أعرف ان هيجي يوم وأموت
الدنيا والشيطان نسونى يومى ويوم كل واحد فينا اللى لازم
يروح قبرة

وجة اليوم بتاعى وروحت قبرى .. وموقعى شغال
الناس بتحمل الأغانى وبتبعتها لبعض وبتعيد رفعها وتنشرها فى مواقع تانية
والأفلام بتتبعت بالفلاشات والصور عمالة تتشاف وتحرك شهوات الشباب
البنات والولاد يهزروا ويتعرفوا على بعض وصورهم الرمزية والتواقيع
بتاعتهم تفسد عقول الشباب والبنات

منتدايا مكان بيفسد الشباب والبنات وبيبعدهم عن دينهم

وانا بتحاسب فى قبرى وشايف ادام عيني عداد الذنوب الجارية
عماااااال شغال وانا فى عرض حسنة واحده

ودلوقتى بتحسر انى معملتش بحديث رسول الله
اللى ياما قريتة والناس بعتهولى عشان اتعظ

صلى الله عليه وسلم : (( من سن في الإسلام سنة حسنة كان له أجرها وأجر من عمل بها من بعده لا ينقص ذلك من أجورهم شيئا ومن سن في الإسلام سنة سيئة كان عليه وزرها ووزر من عمل بها من بعده لا ينقص ذلك من أوزارهم شيئا )) ....

الذنوب بتعذب بيها فى قبرى وهتعذب بيها قوم القيامة
وانا عمال ابكى من العذاب والندم والحسرة

زى ما وعدنى ربى فى الايه اللى ياما سمعتها
وكأنى بسمع خبر جديد او قصة ...

{وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّى لَهُ الذِّكْرَى{23} يَقُولُ يَا لَيْتَنِي قَدَّمْتُ لِحَيَاتِي{24} فَيَوْمَئِذٍ لَّا يُعَذِّبُ عَذَابَهُ أَحَدٌ{25} وَلَا يُوثِقُ وَثَاقَهُ أَحَدٌ{26} }

عمال أقول
يا ريتني ما كت عملت منتدى
يا ريتنى كنت سمعت كلام الناس اللى حذرونى
يا ريتنى كنت خليت منتدايا إسلامى عشان يكون حسنات جارية
يا ريتنى عملت لاخرتى اللى هعيش فيها للأبد
{ يَقُولُ يَا لَيْتَنِي قَدَّمْتُ لِحَيَاتِي{24} فَيَوْمَئِذٍ لَّا يُعَذِّبُ عَذَابَهُ أَحَدٌ}

يا ريتنى كنت تراااااب
{ إِنَّا أَنذَرْنَاكُمْ عَذَاباً قَرِيباً يَوْمَ يَنظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنتُ تُرَاباً }


وانا روحى بتخرج فجأة وبدون مقدمات ولقيت الملائكة حوالية وجوههم سودا
وبيبشرونى بالنار قولت
{حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ{99} لَعَلِّي أَعْمَلُ صَالِحاً فِيمَا تَرَكْتُ }

بقول يارب انا مكنتش أعرف ان منتدايا هيوديني جهنم
ويقول ربنا
أَلَمْ تَكُنْ آيَاتِي تُتْلَى عَلَيْكُمْ فَكُنتُم بِهَا تُكَذِّبُونَ
.. يا ما ربنا بعتلى ناس يحذرونى لكن كنت مش بتعظ ومش بهتم
{ أَفَكُلَّمَا جَاءكُمْ رَسُولٌ بِمَا لاَ تَهْوَى أَنفُسُكُمُ اسْتَكْبَرْتُمْ فَفَرِيقاً كَذَّبْتُمْ وَفَرِيقاً تَقْتُلُونَ }
..
ااااه لو كنت فهمت ولو كنت فكرت وعملت باللى حذرونى منه وانا فى الدنيا
{ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ{8} قَالُوا بَلَى قَدْ جَاءنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِن شَيْءٍ إِنْ أَنتُمْ إِلَّا فِي ضَلَالٍ كَبِيرٍ{9} وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ }

شهواتى .. وهوا نفسى وحب الدنيا وحب المال وحب الشهره نسونى اخرتى
{ أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لَا تُرْجَعُونَ }

.
.
.


يا أصحاب المواقع والمنتديات فكروا واتعظوا
وأعملوا لأخرتكم قبل ما يجي وقت تقول فيه
رب أرجعووووون لعلى أعمل صالحاً فيما تركت
بصرخات الألم والخوف والحسرة والندم

.
.
أسأل الله العظيم رب العرش العظيم
أن يهدى قلوبنا ويرققها ويدخل إليها نور الهدى والإيمان ويهدينا للصراط المستقيم ويردنا إليه رداً جميلاً إنه ولى ذلك والقادر عليه